வண்ணங்கள் இழந்த

என் கால்களில் இருந்த செருப்பின்
சிவப்பு மஞ்சள் வண்ணம் கண்டு சிரிக்கிறார் அவர்

அவரின் தோள்களில் இருந்த பல வண்ண துண்டை
கண்டு நானும்

இருவரையும் கண்டும் காணாமல் சிரிக்கிறார்
சுவர்களில் ஏதோ கட்சி யின் வண்ணமிடும் முதியவர்

அனைவரிடமும் சிரிக்கிறது
தார் சாலையின் வெள்ளை கோடுகள்

எல்லாவற்றையும் ஆச்சரியமாக பார்க்கிறது
வண்ணங்கள் இழந்த சாலையோர சிறுமி